LlGC Llsgr. Peniarth 36A – tudalen 29v
Llyfr Blegywryd
29v
Or gat gỽr y wreic yn agkyfreithaỽl. A
dỽyn arall attaỽ. y wreic ỽrthot a dyly tri ̷+
gyaỽ yn| y thy hyt ym|pen y naỽuetdyd.
Ac or gollygir yna hi y ỽrth y| gỽr yn holl+
aỽl. pob peth or eidi hi a| dyly mynet yn
gyntaf or ty. a hitheu yn diwethaf yn ol
y holl da aet or ty. ac odyna gan dỽyn
y llall. ef a| dyly rodi dilystaỽt yr wreic
kyntaf. kany dyly vn gỽr dỽy wraged
o gyfreith. Pỽy bynhac a atto y wreic.
ac a uo ediuar gantaỽ y gadu. a hitheu
gỽedy y rodi y ỽr arall. os gordiwed y| gỽr
kyntaf ar neill troet y myỽn y gỽely.
ar llall y maes. y gỽr kyntaf o gyfreith
ae keiff. Or gỽatta gỽreic y godineb. rod ̷+
et lỽ deg wraged a deu vgeint. Ac velly
y gỽr a watto; llỽ deg wyr a deu vgeint
a dyry. Ac am y tri chadarn enllip y ro ̷+
dir y reitheu hyn. Or byd wreic acha ̷+
ỽs dybryt gyt a gỽr arall. ae o gus ̷+
san ae o|uyssyaỽ. ae o ymrein y gỽr a di ̷+
chaỽn y gỽrthot. a hi a dyly colli y holl
| « p 29r | p 30r » |