LlGC Llsgr. Peniarth 46 – tudalen 245
Brut y Brenhinoedd
245
uelly mi a|gaffa uynet y|mywn rac bronn
y|brenhin. ac odyno mi a|rodaf diaỽt idaỽ
trỽy yr honn y|bo marỽ yn|y lle. ac ual y|bo
haỽs uyg|kredu. mi a|eillaf uym penn a|m
baraf. ac a|dyỽedaf uym bot yn uynach.
ac yn gyuarỽyd ympob medyginaeth. ac
gỽedy ymgytarnnhau o·nadunt ar|hynny.
Sef a|ỽnaeth eopa eillaỽ y|uaraf. a|e corun.
a|chymryt gỽisc mynach ymdanaỽ ac offer
medyc gantaỽ a mynet parth a|chaer ỽynt.
a gỽedy dyuot hyt yno. dyỽedut a|ỽnaeth
ỽrth ỽeisson ystauell y|brenhin y|uot yn ued ̷+
dyc goreu yn|y byt. ac ny damunynt ỽynt+
eu dim yn uỽy no|chaffel medyc da. a|gỽedy
y|dỽyn rac bronn y brenhin. adaỽ a|oruc o|r
lle y|ỽneuthur yn yach o|chymerei diodyd y
gantaỽ. ac erchi idaỽ o|r lle ỽneuthur diaỽt
uedyginaeth idaỽ. Sef a|oruc yna y bradỽr
kymyscu gỽenỽyn a|r|diaỽt a|e rodi y|r bren+
hin. a gỽedy y|hyuet ohonaỽ. erchi a oruc
y|tỽyllỽr ysgymunedic y|r brenhin gorffỽys
a|chyscu hyt pann uei trỽy y hun y|bei uỽy
| « p 244 | p 246 » |