Llsgr. Philadelphia 8680 – tudalen 61r
Brut y Brenhinoedd
61r
161
y parth draỽ y humy. ac y
gynnal gỽylua megys y gỽ+
naei gatwaỻaỽn y parth y+
ma y humyr. A|gỽedy gỽ+
neuthur oet dadleu onadunt
ar lann dulas y draethu o
hynny. A doethon o pob parth
yn edrych pa beth oreu a|dyl+
lyit y wneuthur ygkylch
hynny. a chadwaỻaỽn yn
gorwed o|r parth yman y|r
auon. a|e benn yn arffet
breint hir y nei hyt tra yto+
edynt y kenadeu yn awein*
attebyon. Wylaỽ a|oruc bre+
int megys y gỽlychaỽd ỽy+
neb y brenhin gan y|dagrev
yn syrthyaỽ. Ac ar|hynny
kychỽynnu a|oruc y brenhin
gan debygu mae kawat o
laỽ a|dyrchauel y wyneb.
a gỽelet breint yn|wylaỽ.
A gouyn a|oruc y brenhin
idaỽ pa achaỽs a|oed idaỽ y|r
deissyuyt tristit hỽnnỽ.
Ac ar|hynny y dywaỽt bre+
int. Dioer heb ef defnyd
162
ỽylaỽ a|thristyt yssyd im. ac
y hoỻ genedyl y brytanyeit
yn|dragywydaỽl. Canys yr
yn oes maelgỽn gỽyned y
mae kenedyl y brytanyeit
heb gaffel un tywyssaỽc a
aỻei eu hamdiffyn rac estra+
ỽn genedyl. nac a aỻei eu
dỽyn ar eu|hendeilygdaỽt.
A hediỽ y bychydic a|oed o
ymgynnal dy uot titheu yn
godef ỻeihau hynny a|e go+
ỻi. Canys kenedyl y saes+
son yr honn eiryoet drỽy eu
tỽyỻ a|e brat a|e distriwaỽd.
ac weithon mỽyhaf oỻ pann
ganhatter udunt arueru o
goron tywyssogaeth yn|yr
ynys honn. Canys pan
ganhattyer bot enỽ brenhin
udunt. syberỽach uydant
oc eu|kiwtaỽt. ac a|wahodant
attunt drỽy y|rei y gaỻont
o gỽbyl distriỽ kenedyl y
brytanyeit. Kanys yn was+
tat y gnottayssant bot yn
vratwyr. ac na aỻant kadỽ
| « p 60v | p 61v » |