Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 47r

Breuddwyd Macsen

47r

185

ẏr auon. a|llog a oed uỽy noc vn
o|r rei ereill. ỻẏman etwa heb+
ẏr ỽẏnt ẏ breudỽẏt a|welas
an harglỽẏd ni. ac ẏn|ẏ llog ua  ̷+
ỽr honno ẏ kerdassant ar y|mor
ac ẏ doethant ẏ ẏnẏs prydein.
a|r ẏnẏs a gerdassant hẏnẏ doe  ̷+
thant ẏ erẏri. Ỻẏman hỽn
heb ỽẏ ẏ tir amdyfrỽẏs a|welas
an harglỽẏd ni. ỽẏnt a|doethant
racdunt hẏnẏ welẏnt mon gy  ̷+
uarỽẏneb ac ỽẏnt ac hynẏ
welẏnt heuẏt aruon. llyma
heb ỽẏnt ẏ tir a|welae* an har+
glỽẏd ni trỽẏ ẏ hun. ac aber
seint a|welẏnt a|r gaer yn aber
ẏr auon. Porth ẏ|gaer a|ỽelẏ+
nt ẏn agoret. ẏ|r gaer y doeth  ̷+
ant. Neuad a welsant a med* ẏ
ẏ|gaer llẏman heb hỽynt ẏ|neỽ+
ad a welas an harglỽyd drỽy
e|hun. ỽẏnt a|doethant ẏ|r neỽ+
ad. ỽẏnt a welsant y deu vaccỽẏ
ẏn gỽare ẏr ỽẏdbỽẏl ar y|llei  ̷ ̷+
thic eur. ac a|welsant y gỽr gỽ+
ẏnllỽẏt ẏ|mon ẏ|golofyn. yn|y
gadeir ascỽrn ẏn torri y|ỽerin
ẏ|r ỽẏdbỽẏll. ac a welsant vor  ̷
vorỽẏn ẏn eisted ẏ|mẏỽn kadeir
o rudeur a gestỽg ar tal eu
glinyeu a wnaethant ẏ ken+
nadeu. amherodres rufein
hanpẏch gỽell. ha wẏrda|heb
ẏ vorỽẏn ansaỽd gỽẏr dylẏeda  ̷+
ỽc a welaf arnaỽch ac arỽẏd
kennadeu. Pẏ watwar a|wneỽch
i amdanaf|i. Na wnaỽn arglỽẏdes
un gỽatwar amdanat. Namẏn
amheraỽdẏr rufein a|th welas
trỽẏ e|hun. Hoedẏl nac einẏoes

186

nẏt oes idaỽ amdanat. Dewis
arglỽẏdes a|geffẏ ẏ|genhẏm ni.
ae dẏuot ẏ·gẏt a|ninheu ẏ|th wn  ̷+
euthur ẏn amherodres ẏn ru  ̷+
fein. ae dẏuot ẏr amheraỽdẏr
yma ẏ|th gẏmrẏt ẏn wreic idaỽ.
Ha w·ẏrda heb ẏ vorỽẏn amheu
ẏr hẏn a|dẏwedỽch|i nẏ|s gỽnaf|i.
na|e gredu heuẏt ẏn ormod.
namẏn os miui a gar ẏr amhe+
rawdyr; deuet hẏt ẏman ẏ|m|hol.
ac yrỽg dẏd a nos ẏ kerdassant
ẏ|kennadeu trachefẏn. ac val
ẏ diffẏccẏei eu meirch ẏ hedewẏ  ̷+
nt ac ẏ prẏnẏt ereill o newẏd.
ac val ẏ doethant hẏt ẏn rufein
kẏfarch gwell ẏ|r amheraỽdẏr
a|wnaethant. ac erchi eu coeluein.
a|hẏnnẏ a|gaỽssant val ẏ notynt.
Ni a|uẏdỽn gẏfarwẏd it arglỽẏd
heb ỽẏnt ar vor ac ar tir hẏt ẏ|lle
y mae ẏ|wreic uỽẏhaf a gerẏ.
a|ni a|ỽdam ẏ henỽ a|e chẏstlỽn
a|e boned. ac ẏn diannot ẏ ker+
dỽẏs ẏr amheraỽdẏr ẏn|ẏ luẏd
a|r gỽẏr hẏnnẏ ẏn gẏfarwẏd
ỽdunt. Parth ac ẏnẏs prẏdein
y doethant tros vor a gỽeilgi.
ac ẏ gỽerescẏnnỽẏs ẏr ẏnẏs
ar veli mab Manogan a|e veibon
ac ẏ|gẏrrỽẏs ar vor ỽẏnt. ac ẏ
doeth racdaỽ hẏt ẏn aruon.
ac ẏd adnabu ẏr amheraỽdẏr
ẏ wlat mal ẏ|gỽelas. ac mal ẏ
gỽelas kaer aber sein. welẏ
dẏ|racco heb ef ẏ gaer ẏ|gỽeleis
i ẏ wreic uỽẏhaf a garaf ẏndi.
ac ẏ doeth racdaỽ ẏ|r gaer ac
ẏ|r neuad. ac ẏ gỽelas ẏno kẏ+
nan vab eudaf ac adeon vab