LlGC Llsgr. Peniarth 19 – tudalen 69v
Brut y Brenhinoedd
69v
283
oed y warandaỽ petheu enry+
ued. a Myrdin a dywaỽt. arglỽ+
yd heb ef ny dylyir datkanu y
ryỽ betheu hynny onyt pan
vo aghenreit a|e kymheỻo. ka+
nys pei as dywettỽn yn geỻw+
eiredic y ryỽ ymadrodyon
hynny. yr yspryt y|m dysgu
pan vei reit y minneu ỽrth+
aỽ ynteu a|giliei y ỽrthyf i
ymeith. A gỽedy na cheffit gan+
thaỽ dywedut dim o|r a erchit
idaỽ o daroganneu rac ỻaỽ.
ny mynnaỽd y brenhin y vo+
lestu. namyn govyn idaỽ gyg+
hor am y racdywededigyon
weithredoed. a vynnei y bren+
hin eu gỽneuthur. Ac ar
hynny y dywaỽt myrdin. Os
o dragywydaỽl weithret y myn+
ny di teckau bedraỽt y gỽyr
dylyedogyon hynn. anuon di
yn ol cor y kewri yr hỽnn yssyd
ym mynyd kilara yn Jwerdon.
yno y mae kyweirdeb o vein. yr
hỽnn ny aỻei neb yn|yr oes
honn y wneuthur o·nyt eth+
rylithyr a|dyfassei y geluydyt
kanys maỽr ynt y mein ac
ny darostygant yr nerth neb.
A phei bydynt ỽy ar y wed y
maent yno. ỽynt a barheynt
ygkylch y vedraỽt honn yn|dra+
A |Chwerthin a|w +[ gywyd.
naeth emrys am yr yma+
284
draỽd hỽnnỽ. a|dywedut. Pa
wed y geỻit dỽyn mein kym+
meint|a|r rei hynny o le kyn
beỻet a hỽnnỽ. megys na bei
yn ynys brydein mein y geỻ+
it gỽneuthur gỽeith o·nad+
unt. a Myrdin a dywaỽt. ar+
glỽyd vrenhin heb ef. na chy+
ffroa di yg|gorwac chwerthin.
kanys heb orwacter y dywe+
daf|i hynny. Rinwedaỽl kym+
ysgedic ynt y mein. ac o am+
ryuaelon vedeginyaetheu
Jachwyaỽl ynt. ac o|eithafo+
ed yr affric y duc y kewri ỽ+
ynt. ac y gossodassant ỽynt
yn Jwerdon hyt tra yttoedynt
yn|y phressỽylaỽ. ac y·sef ach+
aỽs oed hynny ganthunt.
Enneint a|wneynt ym pedry+
ual y mein pan orthrymei
eu cleuydyeu ỽynt. a golchi
y mein. a dodi hỽnnỽ y|my+
ỽn yr enneint. a hỽnnỽ a|e
hyachaei ỽynt o|r clefydyeu
a|vei arnadunt. ac ygyt a
hynny kymysgu sud a ffrỽ+
yth y ỻysseuoed. a hynny a
yachaei gỽelieu y rei brath+
edic. Nyt oes yno vn maen
heb vedeginyaeth a rinwed ar+
naỽ. A phan|glyỽssant y bry+
tanyeit hynny barnedic
vu ganthunt anuon yn ol
y mein. a brỽydraỽ a|r gỽydyl.
| « p 69r | p 70r » |