Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 141v

Ystoria Bown de Hamtwn

141v

329

wneuthur tref a|chastell. ac arỽn  ̷ ̷+
del vyd y|henỽ yr|anryded y|arỽn  ̷ ̷+
del vy march. ac yna yd ymhoy  ̷ ̷+
laỽd ac ny orffỽyssaỽd yny deuth
y lundein. a discynnu a oruc ar
grad o vein uarmor. ac yna y
deuth sabaot. arglỽyd heb ef llaỽer
a|gysgeift. athro heb·y boỽn mi a
enilleis o redec vy march mỽy noc
noc yd enillỽys vy holl kenedel
ar vor. ac yna bỽrỽ golỽc o vab
y brenhin ar varch boỽn a|e|chỽe  ̷ ̷+
nychu a|e erchi y boỽn. Ffol iaỽn
y|dyỽedy heb·y boỽn. pei medut
ti ar holl loygyr a|th vot yn vren  ̷ ̷+
hin korunaỽc a rodi o·honot ti y
mi yr enryded hynny oll. yr hyn  ̷ ̷+
ny oll ny rodỽn vy march yt. ac
yna y digyaỽd y mab yn vaỽr.
a galỽ attaỽ kyghorwyr a|oruc
y|r hỽnn y rodo duỽ maỽr|drỽc
idaỽ. a hỽnnỽ a|dywaỽt ỽrthaỽ.
doro deugein marchaỽc neỽyd ur  ̷ ̷+
daỽ ym. a|phan el boỽn ỽrth y
vỽyt y lys dy tat. kanys dy tat
a|e gỽahodes. ni a|aỽn y|dỽyn y va  ̷ ̷+
rch. ac yna yd|aeth boỽn y letty
a rỽymaỽ a|oruc y varch a|dỽy|ga  ̷ ̷+
dỽyn. a|chymryt y fonn a oruc a
mynet y|r kastell. ac mal y hargan  ̷ ̷+
uu y|brenhin ef yn|dyuot. galỽ
arnaỽ a|oruc a|gouyn idaỽ py wed
y daruu idaỽ. ac ynteu a|dywaỽt

330

mal y bu. diolỽch y|duỽ hynny heb
y brenhin. Mi a|orchyuygeis y march+
ogyon. a|hyt ar uyn|hir uy|hunan y
marchokeeis ac a|e henilleis. ac yna
mi a|ỽnaf gastell. a|hỽnnỽ a|alwaf
arỽndel. o|enỽ arỽndel vy march.
a|minheu heb y brenhin a|gadarn+
haaf hynny yn llawen. a gỽedy gỽy  ̷ ̷+
bot o vab y brenhin hynny mynet
o boỽn y lys y tat. ef a|r deugein
marchaỽc ygyt ac ef a|aethant
y|r ystauell lle yd oed march boỽn.
a|gỽedy eu dyuot y|r ystauell dy  ̷ ̷+
nessau a|oruc mab y brenhin at y
march. a dyrchauel a|oruc y march
y|deudroet a|e|daraỽ ar y benn yny
vyd y emenyd ygkylch y glusteu
ac yny neidaỽd y|lygeit o|e benn.
ac yna yd ymyuaylaỽd y gwyr
ac ef ac y kaỽsant yn varỽ. ac yna
y gỽnaethant elor ac a|e dodassant
arnei. ac y·dan leuein dyuot a oru  ̷ ̷+
gant y|r llys vrenhinaỽl. ac y|dẏ  ̷ ̷+
ỽedassant. arglỽyd vrenhin drỽc
y|th|gyweirỽyt. March boỽn a|lad  ̷ ̷+
aỽd dy vab. a|phan gigleu y bren  ̷ ̷+
hin hynny ynuydu a|oruc. arglỽy  ̷ ̷+
di heb ef kymerỽch boỽn. mi a
uynnaf y grogi. kanys maỽr y|m
digyaỽd. arglỽyd heb·y boỽn nyt
velly y gỽney di os da gennẏt.
Mi a|ỽnaf iaỽn it ỽrth dy vod.
vy arglỽyd athro heby boỽn ỽrth sabaot