LlGC Llsgr. Peniarth 4 (Llyfr Gwyn Rhydderch, rhan 2) – tudalen 59r
Prif y Lleuad, Diarhebion, Trioedd Ynys Prydain
59r
337
llaỽn vẏd ẏ daear o|frỽẏtheu.
drỽc vẏd ẏr ẏt. aỽẏr reỽlẏt ẏn
llẏgru ẏ frỽẏtheu. gaeaf da tẏm ̷+
estlus a heint llaỽer. nẏ bẏd da
ẏ gỽinllanneu. marỽ vẏd ẏ man
ẏsgrẏbẏl a|r gỽenẏn. a dolur ar ẏ ̷
llẏgeit. Os duỽ maỽrth vẏd ẏ
prif drỽc vẏd llaỽer lle. a llosc
ẏn amẏl. a marỽ ẏ gỽraged. a phe+
rẏglu ẏ llogeu. a haf gỽlẏbẏra+
ỽc. a gỽenith ẏn drut. ac amdler
o olew. a photaes. digrifhau a|ỽna
ẏ gỽraged oc eu korff. a|thỽẏll a
brat ẏmplith ẏ bobẏl. Os duỽ
merchẏr vẏd ẏ prif amdler vẏd
o win ac ẏt. ac aualeu. a neges ̷ ̷+
seu amẏl ẏ|r bobẏl. a|llaỽer o ỽẏr
a|ledir gaeaf gỽressaỽc gỽlẏbẏra ̷ ̷+
ỽc. a gỽannỽẏn gỽlẏbẏraỽc garỽ
a|ball ar ẏ gỽraged. a|neỽẏn ẏn
llaỽer lle. a marỽ vẏd ẏ|dẏnẏon
hen. ac nẏ bẏd mel. Os duỽ|ieu
vẏd ẏ prif amdler vẏd o pob rẏỽ
da ẏn ẏ wlỽẏdẏn honno. ẏr a+
uonẏd a vẏd kẏflaỽn o|bẏsgaỽt.
ac amẏl vẏd ẏ gỽin a|r olew. a
gaeaf da. a gỽannỽẏn gỽẏnna ̷+
ỽc. a haf da. a gỽann hedỽch. a|r
dannoed ar laỽer o dẏnẏon ẏn
llawer lle. Os duỽ gỽener vẏd
ẏ prif ẏn ẏ wlỽẏdẏn honno ẏ bẏd
llaỽer o ẏmladeu. a|digrifwch o
eirieu. a|brat. a|thỽẏll. a gaeaf an+
wadal. a gỽannỽẏn da. a|haf da.
a|llỽẏdẏant a vẏd ar ẏ dẏnẏon
ieueing. ẏchẏdic vẏd o|frỽẏtheu
ẏn ẏ gardeu. ac amdler o|win ac
o·lew. Os duỽ sadỽrn vẏd ẏ prif
338
dissẏchu a|wna ẏ gỽẏd ẏn ẏ|wlỽ+
ẏdẏn honno. a gaeaf tomlẏt.
a gỽannỽẏn gỽẏnnaỽc. ẏ gỽin ̷ ̷+
llanneu a|lauurẏant ẏn vaỽr.
Ti a|dẏlẏẏ kadỽ ẏr hẏn mỽẏaf
a ellẏch ẏn wlỽẏdẏn honno. ca ̷+
nẏs drut vẏd o|r ffrỽẏtheu er+
bẏn ẏ wlỽẏdẏn eilweith. ca+
nẏs drut vẏd honno. ~
D *Ẏ gẏghor a|th gusul ẏỽ;
amouẏn a doeth. Teỽi ỽrth
ẏnuẏt. ẏmganlẏn a detwyd.
ẏmoglẏt rac diriet. ẏm·ane+
heed a hael. ẏmoleithio a gleỽ.
ẏm·dihauarchu a drut. kanẏ
didaỽr drut pa|wnel. ~
T *Eir vnbengerd ẏỽ prẏdu
a|chanu telẏn. a chẏwarỽ ̷+
ẏdẏt. Tri pheth a gẏnneil hir
direidi ar dẏn. drẏcẏoni; a drẏc+
annẏan. a glẏthineb. Tri goref+
ras direidi; glẏthineb; ac ẏmlad;
ac anwadalỽch. Tri pheth nẏ
cheif dẏn digaỽn o nadunt
hoedẏl a iecheit. a chẏuoeth.
bẏdaỽl. Teir bendith nẏ adant
dẏn ẏ newẏn nac ẏ noethi os
keif. bendith ẏ beriglaỽr. a
bendith ẏ arglỽẏd priodawr.
a bendith kerdaỽr o lin gerd.
Teir bendith ẏssẏd well no|r
tri hẏnnẏ. bendith mam ac vn
tat ac vn atuẏdic. Tri fẏnnẏant
gỽr eredic tref ẏ dat. ac ardadlu
ẏ dadẏl ẏn da. a dỽẏn ẏ vab ar
voned. Tri gogẏflaỽnder gỽr
mẏnet ẏg kẏrch. a gorsed a dad+
leu. FFẏnnẏant ẏỽ keissaỽ da
The text Diarhebion starts on Column 338 line 10.
The text Trioedd Ynys Prydain starts on Column 338 line 17.
| « p 58v | p 59v » |