Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 55v

Epistol y Sul

55v

y dyngu kamlyen yr vy|ngharyat i. nac y amherchi eglỽ+
ysseu nac y wneuthur ỻedradeu yn dyd santeid sul. acha+
ỽs y dyd hỽnnỽ y kyuodes yr arglỽyd iessu grist o veirỽ yn
vyỽ. ac yd esgynnaỽd ar nefoed. ac y|mae yn eisted ar|deheu duỽ
dat hoỻgyuoethaỽc. ac odyna y daỽ y uarnu ar vyỽ ac ar uei+
rỽ. Ac yn chwech diwarnaỽt y gỽnaeth duỽ nef a daear ac
yssyd yndunt yn hoỻaỽl o greaduryeit y rei a|welir a|r rei
ny welir ac yn|y seithuet dyd y gorffowyssaỽd o|e hoỻ weithredo+
ed. ac ueỻy y mynnaf y chỽitheu orffowys o weithredoed bydaỽl.
baỽp ryd a chaeth. a|chadỽ duỽ sul o bryt·naỽn duỽ sadỽrn
yny gyuotto yr|heul duỽ ỻun. neu vinneu a|ch ymeỻtigaf rac
bronn vyn tat yr hỽnn yssyd yn|y nef. ac ny wledychỽch y·gyt
a|mi nac ygyt a|m engylyon yn teyrnas goruchelder nef. Ac o+
ny chetwch gyỽirdeb parth ac att aỽch aỻtraỽon. a chadỽ duỽ
sul yn gyfuodedic dilauur. mi a|anuonaf dymhestloed arna+
ỽch ac ar aỽch ỻauur   yny bericlont. ac na chaffoch ymborth
diovit. Dygỽch aỽch degemeu yn gywir y|m eglỽys i. trỽy
ewyỻys buchedaỽl. a phỽy bynnac ny|s|dycko y degỽm yn gyỽ+
ir o|r|da a uenffygyaỽd duỽ idaỽ ef a geiff bar duỽ ar y gorff a|e
eneit. ac ny wyl buched tragywydaỽl yn|y ỻe y mae yn gobeith+
yaỽ y welet. namyn newyn a|vyd arnunt. kanys pobyl angcre+
dadun ynt yn|defnydyaỽ barneu uffernaỽl udunt. a minneu
ny|s madeuaf udunt yn|yr oes oessoed ony chatwant vyng|gor+
chymynneu i. Pỽy bynnac a gattwo duỽ sul santeid ueỻy.
mi a agoraf udunt ffenestri nefoed. ac a amylhaaf bob da ud+
unt o lauur eu dỽylaỽ. ac a|hỽyhaaf eu blỽynyded yn|y byt trỽy
iechyt a|ỻewenyd daearaỽl. ac ny byd trabludyeu goualus