LlGC Llsgr. Peniarth 11 – tudalen 263v

dyrnodeu pob vn onadunt ar y gilyd. Ac aristor yssyd gyn greu+

lonet ac nat oes marchaỽc o|r a|gaffo ef yn|y fforest honn nys|ỻa+

do os dichaỽn. Pan gigleu paredur y chwedleu hynny ef a a+

eth ymeith y ỽrth y gỽeissyon gyntaf ac y gaỻaỽd. ac ny march+

ockaaỽd ef hanner miỻtir pan gigleu eu dyrnodeu ỽy ar eu hel+

meu. A|ỻawen vu ganthaỽ aỻel o|r marchaỽc dewr gynnal

ymlad yn erbyn aristor yn gyhyt a|hynny. ac eissyoes ny wydy+

at paredur y govit a|oed ar y|marchaỽc ehovyn. kanys neur

daroed y daraỽ a gỽaeỽ drỽy y gorff yny yttoed y waet yn coỻi

o bop tu idaỽ. aristor heuyt nyt oed gyua ynteu. kanys yr oed

gỽedy briwyaỽ yn deu le. ac yr aỽr y gỽeles paredur efo. ef a|dre+

wis y varch a dwy yspardun. ac a|doeth attaỽ. ac a|e trewis a

gỽaeỽ yng|kedernyt y dwy·vronn yny ytoed yn coỻi y warthaf+

leu. ac yny ogỽydaỽd ar bedrein y varch. ac odyna dywedut

ỽrthaỽ ỻyma vyui gỽedy dyuot y neithyaỽr vy chwaer heb ef.

ac ny dylyei y neithyaỽr hi vot hebof|i. Aristor yna a gyuodes

yn ffenedic ac yn|ỻidiaỽc ỽrth baredur. a|thu ac attaỽ y doeth

ef megys pet uei gỽedy candeiryogi. a|tharaỽ paredur a|oruc ar

hyt y helym dyrnaỽt maỽr estronaỽl. Y marchaỽc ehovyn yna

a gilyaỽd dra|e|gevyn. kanys yr oed gỽedy y anafu hyt ar ang+

eu. a|hir heuyt y buassei yn kynnal y vrỽydyr. Paredur a|gigle  ̷+

v y dyrnaỽt yn drỽm ac yn vaỽr. ac a|doeth yn ỻidyaỽc tu ac att

aristor ac a|e|trewis a|e waeỽ. yny vyd aristor a|e|varch y|r ỻaỽr a|r

gỽaeỽ trỽydaỽ ynteu. ac ar hynt disgynnu a|oruc. a|ỻaessu car+

reieu