LlGC Llsgr. Peniarth 190 – tudalen 151
Ystoria Lucidar
151
ỻewenyd a|gymerant yng|gỽyd duỽ. A
phan ymdangosso gogonyant yr|arglỽyd
y kaffant eu gỽaly. ac o ffrỽythlonder ty duỽ
y medwir ỽynt med y proffỽyt. Ewyỻys
eu teimledigaeth a|gaffant yn|y mod hỽnn.
yn|y ỻe y kyfaruu ac ỽynt bop peth garỽ
kalet gynt. ef a gyferuyd ac ỽynt bop
peth yn|glaear hynaỽs rac ỻaỽ. discipulus O olut
y seint. Magister Pob ryỽ gyuoeth. a golut a gaf+
fant ỽy. kanys yno y gossodir ỽynt yn
ỻewenyd yr arglỽyd yn veiri. ac yn vedyan+
nussyeit ar yr hoỻ da. a|ỻyna drythyỻỽch
y|seint. discipulus O Jechyt y seint. Magister Jechyt moy+
sen. nychdaỽt vydei hynny yno. kanys
eu hyechyt ỽy a vyd y gan yr arglỽyd. a
phei provit eu taraỽ neu eu brathu a
heyrn ỻifyeit. ny bydei vỽy udunt ỽy hyn+
ny noc yr aỽr honn y baladyr yr|heul. a
ỻyna y ryỽ iechyt yỽ un y seint. discipulus O hoed+
yl y seint. Magister Hirhoedyl matusalem. a vyd+
ei mal hir nychdaỽt angheu. kanys anghev
a|ffy racdunt ỽy. a|ỻyna y ryỽ hirhoedli ̷
| « p 150 | p 152 » |