LlGC Llsgr. Peniarth 36A – tudalen 1v
Llyfr Blegywryd
1v
1
synhỽyraỽ idaỽ ac oe teyrnas kyfreitheu
2
ac arueroed yn perffeith ac yn nessaf
3
y gellit yr wiryoned a iaỽnder. ac yd er+
4
chis eu hyscriuennu yn teir ran yn gyn+
5
taf kyfreith y| lys peunydyaỽl. yr eil;
6
kyfreith y wlat. y tryded aruer o pob
7
vn ohonunt. gỽedy hynny yd erchis
8
gỽneuthur tri llyfyr kyfreith. vn ỽrth
9
y lys peunydyaỽl pressỽyl y gyt ac ef.
10
arall y lys dinefỽr. y trydyd y lys aber ̷+
11
ffraỽ. megys y kaffei teir ran kymry.
12
Gỽyned. Powys. Deheubarth aỽdurdaỽt
13
kyfreith yn eu plith ỽrth eu reit yn was+
14
tat ac yn paraỽt. ac o gyghor y doethon
15
hynny rei or hen gyfreitheu hynny a
16
wellaỽd. Ereill a dileaỽd o gỽbyl. a gossot
17
kyfreitheu newyd yn eu lle. Ac yna y ky ̷+
18
hoedes y gyfreith yn gỽbyl yr pobyl. Ac
19
y kadarnhaỽyt y aỽdurdaỽt vdunt ar
20
y gyfreith honno. ac y dodet e·melltith
21
duỽ ar eidaỽ ynteu ar hon gymry oll
22
ar y neb nys katwei rac llaỽ megys y
23
gossodet ony ellit y gỽellau o gyfundeb
24
gỽlat ac arglỽyd.
| « p 1r | p 2ar » |