Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 82v

Ystoria Carolo Magno: Rhamant Otfel

82v

97

helym galathiel vrenhin. hon  ̷+
no pedrogyl oed. a gỽedy wneu  ̷+
thur yn|y chylch modrỽyev a|b  ̷+
lodev amryual o eur. a|e thrỽ  ̷+
ynn ar|ỽeith ederyn bonhedic.
ac odyna belisent a|ỽisgỽys ar
y glun y gledyf e|hun. yr hỽnn
a vuassei achael vrenhin. Sef
yr oed hỽnnỽ curceus. kystal o+
ed y aỽch ac vn kyllell lem.
ac ỽedy hynny ỽynt a dodass  ̷+
ant am|y|vynỽgyl taryan neỽ  ̷+
yd gadarnn kynn ỽynet a|r ei+
ry. y bogel oed o eur. y hoelon
oed aryant. ac a dugassant i  ̷+
daỽ paladyr llinon kadarnn.
a phenn llydan llym gloyỽ ar+
naỽ. ac ystondard neỽyd kynn
ỽynnet a blodev yr alaỽ. a llun
eryr yndi. ac yn dỽyn sarff rỽg
y deu·troet. a roes o rinỽel a ỽis+
gỽys am|y draet dỽy yspardun
oydynt gyỽerthyd a ryỽ gast+
ell. a|e gyfrỽy a ossodet ar Mig+
rados vuan y varch e|hun. kynt
y|redei pan dosturyit ac yspardu+
nev noc yr ehedei y saeth o|r lli+
nyn. a|r amỽs drythryll llam+
sachus val y gỽelas y arglỽyd
a|e hadnabv. ac yntev a|ysgyn+
nỽys arnaỽ. a gỽell o|ragor y
gỽydat ef y|ỽrth ymlad no|r  ̷
gof kyỽreinhaf y ỽrth taraỽ
ach a myrthỽl. Ac yna gollỽg
neit kyỽreint a oruc y|varch
ac ymhoelut dra|e geuyn at

98

belisent. a dyỽedut ỽrthi vnben+
nes vonhedic heb ef. duỽ a|di+
olcho it da yaỽnn yr wisgỽyt
ymdanaf. a dyro ym dy gennat.
a marỽ vyd rolond gennyf yn+
hev yn diannot ỽedy hynny.
Ac yna y dyỽat belisent ymo+
gel di yn|da hagen heb hi rac
dỽrndal. ac onyt ymdiffynny
di yn|da a|churceus racdaỽ ef.
ny|chynnelir dinas ohonat ti
vyth baellach. ac ar|y|geirev hyn+
ny y kerdỽys otuel racdaỽ. ac
oger ly danais. a neimys tyỽys+
saỽc kadarnn. a|e kanhebrygas+
sant hyt y|weirglaỽd y lle yd o+
oed rolond. a charlys a derche+
uis y fenestri vchel. ac a|elỽis
ar yr vn gogyuurd ar|dec attaỽ
ac erchis vdunt dyuot y·gyt
ac ef. ac a|beris y baỽp o|r freinc
vynet o|r weirglaỽd a|e hadaỽ
y|r deu varchaỽc. ac odyno y* pe*+
ris ac yd|erchis vdunt ỽyntev
ymlad pann vynnynt o hynny
allan. ac otuel a dyỽat y vot
ef ynn baraỽt. Ac yna y|dy+
ỽat rolond ỽrth y pagann anfy+
dlaỽn mi a amdiffydyaf a|thi
o hynn allan bellach heb ef. a|m+
inhev a|thithev heb·yr otuel y
kyffelybrỽyd. ac ymogel yn da
ragof ỽrth na|th garaf o|dim.
ac y gouynnaf yt aghev fer+
racut vy eỽythyr a ledeist. ac
yna brathu eu meirch ac yspar+