LlGC Llsgr. Peniarth 9 – tudalen 8v
Ystoria Carolo Magno: Chronicl Turpin
8v
1
esgyrn y seint ar hyt y byt. ac y llehaaỽd yn e+
2
ur ac aryant. A pha delỽ y cauas amherodra+
3
eth ruuein. a pha ffuru y garusalem. A pha
4
ffuru y duc gantaỽ o·dyno croc yr arglỽyd
5
o|r hỽn y berthoges ef lawer o eglỽyseu ny
6
allaf i. nay yscriuennu nay datcanu. mỽy
7
hagen y diffyc y llaỽ ar pin noy weithredo+
8
yd maỽr·ydic ef. mal yd ymhoylỽys ef ha+
9
gen o|r vrỽydyr yn rỽncyual y ffreinc. Ac
10
val y bu y vrỽydyr yglyn mieri. Ac val y
11
gỽnayth diwed y varchogyon yn yr yspa+
12
yn. Ac val y seuis yr heul yn vn dyd oet tri
13
diwarnaỽt y dial y cristynogyon ar y sara+
14
cinneit. Ac val y gỽnayth arỽylant y wyrda ac
15
y cladỽys. Ac val y bu y kỽnsli yn seint den+
16
is pan doythant pan* doythant* dra·cheuyn.
17
Ac val yd adeilỽys y lys y hun ac eglỽys yr
18
arglỽydes veir yn|y graỽndỽuyr. A pha ffu+
19
ryf y bu diwed charlymayn yn|y lle hỽnnỽ.
20
Ni a dywedun yn niwed y llywyr hỽn ar vyr+
21
der. Ar llyuyr hỽn a ymhoyles madac ab
22
selyf o ladin ygkymraec o adolỽyn a deissyf
23
Gruffud vab maredud vab ywein vab Gru+
24
ffud vab RyS.
25
BRenhin yr ynyssed anrydedus bren+
26
hin yr ynyssed. Reinallt ardyrchaỽc.
27
brenhin yr yn·yssoed kenedlaỽc yn dridyb+
28
lyc o vryt a gỽeithret a chenedyl. A|myuy
29
yn gymelledic o|th arch di y dechreueis .
| « p 8r | p 9r » |